სამხრეთ კორეის პრეზიდენტმა, მუნ ჯე-ინმა ყოფილი პრეზიდენტი შეიწყალა. ინფორმაციას ამის შესახებ საერთაშორისო მედია, მათ შორის, Reuters ავრცელებს. გამოცემის ცნობით, ყოფილი პრეზიდენტი 22-წლიან სასჯელს კორუფციის ბრალდებით იხდიდა.

მედიის განცხადებით, პარკი პირველი დემოკრატიულად არჩეული პრეზიდენტი იყო, რომელიც თანამდებობიდან გაათავისუფლეს. მათივე ცნობით, მანამდე მოქმედი პრეზიდენტი აცხადებდა, რომ მათ, ვინც კორუფციის ბრალდებით იყვნენ დაპატიმრებულები, არ შეიწყალებდა. თუმცა პარკის ჯანმრთელობის მდგომარეობის გაუარესების გამო ბევრმა პოლიტიკოსმა და ოპოზიციურმა ფიგურამ მოითხოვა მისი შეწყალება.

როგორც გამოცემა ოფიციალურ უწყებაზე დაყრდნობით წერს, პრეზიდენტი იმედოვნებს, რომ პანდემიის სირთულეების ფონზე, ეს გადაწყვეტილება ერთიანობის ახალ ეპოქას დაუდებს სათავეს.