მიხეილ სააკაშვილის ადვოკატის, დიმიტრი საძაგლიშვილის განცხადებით, ექსპრეზიდენტი ყველა სასამართლო სხდომაში მიიღებს მონაწილეობას, თუ მას ჯანმრთელობის მდგომარეობა ამის შესაძლებლობას მისცემს.

"ჩვენ, ბუნებრივია, შევეხეთ სასამართლო პროცესებს, რომელიც ამ თემაზე გაიმართება და ვისაუბრეთ ამ პროცესებში მონაწილეობაზე. თუკი ჯანმრთელობის მდგომარეობა მისცემს მას შესაძლებლობას, ის მონაწილეობას მიიღებს ყველა სასამართლო განხილვაზე, რაც მიმდინარეობს ქართულ სასამართლოებში მის მიმართ.

ასევე, ბუნებრივია, ჩვენ შევეხეთ ხვალინდელ აქციას, მიხეილ სააკაშვილის მოსაზრებით, ძალიან მნიშვნელოვანია ახლა ქართული საზოგადოების მშვიდობიანი, მძლავრი და მწყობრი პროტესტი. ჩემი პირადი აზრით, უბრალოდ, სირცხვილია ქვეყნის მესამე პრეზიდენტის პატიმრობაში ყოფნა", — ამბობს ადვოკატი მთავარი არხის ეთერში.

მიხეილ სააკაშვილის მორიგი სასამართლო სხდომა 22 დეკემბერს არის ჩანიშნული.

ცენტრ ემპათიას განცხადებით, მიხეილ სააკაშვილს დამატებითი ინსტრუმენტული და ლაბორატორიული კვლევები ესაჭიროება. ორგანიზაციამ ექსპრეზიდენტ მიხეილ სააკაშვილის ჯანმრთელობის მდგომარეობის შემაჯამებელი დასკვნა გამოაქვეყნა, სადაც წერია, რომ გორის სამხედრო ჰოსპიტალში ჩატარებული მკურნალობა-რეაბილიტაცია ეფექტური არ არის.

ექსპრეზიდენტი მიხეილ სააკაშვილი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს.

გაიგე მეტი: