ორი თვე გავიდა მას შემდეგ, რაც მეთ რივზმა მაყურებლებს ახალი ბეტმენის შესახებ თავისი შეხედულებები გაანდო. ახალ ინტერვიუში კი რივზმა რობერტ პატინსონის მიერ განსახიერებული ბეტმენის შთაგონების წყაროს შესახებ ისაუბრა.

"როცა ბეტმენის პირველ მოქმედებას ვწერდი, ნირვანას Something In The Way-ს ვუსმენდი და მაშინ გადავწყვიტე, რომ უარი მეთქვა ბეტმენის ტრადიციულად ასახვაზე და რაღაც უფრო მძაფრი მომეფიქრებინა. ასეთი ვერსიის მიხედვით, ბეტმენს დიდი ტრაგედია უნდა გადაეტანა და ბოლოს მარტოსული გამხდარიყო. ასე დავიწყე კავშირის ძიება გას ვან სენტის უკანასკნელ დღეებსა და კურტ კობეინით შთაგონებულ ბეტმენის ვერსიას შორის", — ამბობს რეჟისორი.

ფოტო: DC

კურტ კობეინის ინსპირაციამ რეჟისორ მეთ რივზს გადააწყვეტინა, რომ მთავარ როლზე პატინსონი დაემტკიცებინა. "არის რაღაც მსგავსება კურტ კობეინთან, რადგან პატინსონს შეუძლია როკვარსკვლავსაც ჰგავდეს და ასევე, გულჩათხრობილიც იყოს", — ამბობს რივზი. ამ გადაწყვეტილების გამო, მთელი ესთეტიკა, რომელიც პერსონაჟთან ასოცირდებოდა, შეიცვალა. "ბეტმენი არ არის მაღალი წრის წარმომადგენელი, ის ყველაფერს ნაბიჯ-ნაბიჯ ალფრედთან ერთად ქმნის", — დასძინა რეჟისორმა.

მეთ რივზმა 2020 წელს განაცხადა, რომ ფანები ახალგაზრდა ბრიუს უეინს არ უნდა ელოდნენ, რომელიც თავის მოწოდებას ბეტმენში იპოვის. ასე რომ, ფილმი ძველ სიუჟეტურ ხაზს ახალ მიჰყვება და ახალ ისტორიას გვთავაზობს.

"ბეტმენი აღარ არის სუპერგმირი ტრადიციული გაგებით და ახლა მისი მთავარი სუპერძალა გამძლეობის უნარია. ახალი ფილმის ისტორია არ ეხება იმას, თუ როგორ გახდა ბრიუსი ბეტმენი, არამედ ბეტმენად ყოფნის პირველ დღეებზე მოგვითხრობს, როცა პერსონაჟი საშუალებას ხედავს ისეთი რაღაც გააკეთოს, რაც აქამდე არავის შეეძლო", — ამბობს რეჟისორი.

ბეტმენის ახალი ფილმი კინოთეატრებში 2022 წლის 4 მარტს გამოვა.

ასევე იხილეთ: