კალიფორნიის ყველაზე მაღალი ხიდიდან, რომლის სიმაღლეც 222 მეტრს აღემატება, ტურისტი სელფის გადაღების დროს ჩამოვარდა. ინფორმაციას CNN ავრცელებს.

"აქ შეიძლება სიცოცხლე დაკარგო, რაც სელფის გადაღებად არ ღირს" - ეს გაფრთხილება კალიფორნიის პოლიციამ ფეისბუკზე ინციდენტის შემდეგ გამოაქვეყნა.

ოფიციალური პირების განცხადებით, ქალი, რომლის ვინაობასაც არ ამხელენ, მეგობრებთან ერთად ხიდზე გადადიოდა, როდესაც სელფის გადაღება გადაწყვიტა, რა დროსაც ბალანსი დაკარგა და ჩავარდა.

ტურისტი გადარჩა. ის უახლოეს საავადმყოფოში თვითმფრინავით გადაიყვანეს და მრავლობითი მოტეხილობების გამო ოპერაცია უტარდება.

"მას ღრმა ჭრილობა აქვს მკლავზე და დამსხვრეული აქვს ძვლები, რის გამოც ოპერაციას საჭიროებს. კარგი ადგილია, თუმცა რისკად არ ღირს" - აცხადებს პოლიცია და დასძენს, რომ სამართალდამრღვევებს დააპატიმრებენ.

ფორესტჰილის ხიდი ყველაზე მაღალი ხიდია კალიფორნიაში.