ახალგაზრდა მუსიკოსი და გრემის მფლობელი ბილი აილიში ცოტა ხნის წინ პორნოგრაფიაზე დამოკიდებულების შესახებ ალაპარაკდა. ბილი აილიშის თქმით, პორნოს ყურება 11 წლის ასაკში დაიწყო, რამაც მის მენტალურ ჯანმრთელობასა და სექსის შესახებ წარმოდგენაზე უარყოფითად იმოქმედა.

"გულწრფელად რომ გითხრათ, პორნოს ხშირად ვუყურებდი. მისი ყურება 11 წლიდან დავიწყე. ვფიქრობ, ამან გონება დამიმახინჯა", — განაცხადა მომღერალმა.

ბილი აილიშის თქმით, პორნოს იმიტომ უყურებდა, რომ ფიქრობდა, ეს "მაგარ ტიპად" აქცევდა. ვიდეოები, რომლებსაც უყურებდა, ძალადობრივი ხასიათის იყო, რის გამოც ღამით დაძინება უჭირდა. პორნოზე დამოკიდებულებამ სექსის შესახებ არასწორი შეხედულებებიც ჩამოუყალიბა:

"თავდაპირველად, სექსის დროს უარს არ ვამბობდი იმაზე, რაც ჩემთვის კარგი არ იყო, რადგან ვფიქრობდი, რომ ზუსტად ეს უნდა მომწონებოდა", — განაცხადა ბილიმ.

ბილი აილიშმა პორნოს ყურებას სამარცხვინოც უწოდა და მისი დამოკიდებულება განმარტა:

"ძალიან ვბრაზობ, რომ პორნო ასე უყვართ, ასევე ჩემს თავზეც ვბრაზობ, რომ ვფიქრობდი, ეს ნორმალური იყო. ის, თუ როგორ გამოიყურება ვაგინა პორნო ვიდეოებში, სიგიჟეა. ვაგინა ეგეთი არაა. ქალების სხეული ეგეთი არაა", — განაცხადა ბილი აილიშმა.

აღსანიშნავია, რომ სახლში მარტო ყოფნაზე, დანგრეულ ურთიერთობასა და ყურადღების პორნოგრაფიაზე გადატანის შესახებ ბილი აილიში Male Fantasy-შიც მღერის.

ამავე თემაზე: