შეიძლება თქვენ ჯერ ნაძვის ხეც არ აგიწყვიათ, თუმცა, კიმ კარდაშიანის სახლში სადღესასწაულო განწყობა უკვე იგრძნობა და ეს მხოლოდ დეკორაციების დამსახურება არაა.

ამერიკელმა ტელევარსკვლავმა განაცხადა, რომ საგანგებოდ დეკემბრის თვისთვის მან პიანისტი დაიქირავა, რათა თავისმა შვილებმა ყოველდღე საშობაო მელოდიების თანხლებით გაიღვიძონ. ეს პიანისტი კი, არც მეტი, არც ნაკლები, გრემის ლაურეატი ფილიპ კორნიშია.

ფოტო: kimkardashian / Instagram

"დეკემბრის თვეში, ყოველ დღე, ფილიპ კორნიში მოვა, რათა საშობაო მელოდიები დაუკრას და ასე გააღვიძოს ბავშვები", — წერს კარდაშიანი ინსტაგრამზე გამოქვეყნებულ ვიდეოზე.

ვიდეოში, რომელიც კიმმა ინსტაგრამსთორიში გამოაქვეყნა, კორნიშის გარდა პომპეზური ნაძვის ხე და სხვა სადღესასწაულო დეკორაციებიც ჩანს.

კარდაშიანს რეპერ კანიე ვესტთან ერთად ოთხი შვილი ჰყავს: ნორთი, სენტი, ჩიკაგო და სალმი.

აღსანიშნავია, რომ ბოლო შვიდი წლის განმავლობაში, ეს პირველი შობა იქნება, რომელსაც კიმი და კანიე ერთად არ შეხვდებიან, რადგან წყვილი წლის დასაწყისში დაშორდა.

კარდაშიანი კი, პროფესიულ ზრდაზე ზრუნვას განაგრძობს. სულ ცოტა ხნის წინ, მეოთხე ცდაზე, მან იურისტის გამოცდა წარმატებით ჩააბარა.