ევრონესტმა აღმოსავლეთ პარტნიორობის ქვეყნების ევროკავშირის ერთიან ბაზარზე გაძლიერებულ ინტეგრაციაზე განცახდება გამოაქვეყნა. ამის შესახებ საუბარია დოკუმენტში, რომელიც ევრონესტმა აღმოსავლეთ პარტნიორობის სამიტამდე მიიღო.

"ჩვენ ვადასტურებთ მტკიცე ერთგულებას აღმოსავლეთ პარტნიორობის მიმართ, რომელიც საერთო ინტერესებზეა დაფუძნებული და ხელ უწყობს რეგიონში მშვიდობასა და განვითარებას. ამის მისაღწევად ერთადერთი გზა არის ევროკავშირთან ინტეგრაციის მკაფიო პერსპექტივა, რადგან ევროკავშირთან მჭიდრო ინტეგრაცია EU-ს სამეზობლოში გაზრდილი სტაბილურობისა და კეთილდღეობის ფაქტორია", — ვკითხულობთ დოკუმენტში.

აქ საუბარია, რომ საჭიროა ევროკავშირის გაფართოების პერსპექტივას დამატებითი გეოპოლიტიკური იმპულსები მიეცეს, რათა პარტნიორმა ქვეყნებმა რეფორმების მიმართ მოტივაცია შეინარჩუნონ. მათივე თქმით, მისასალმებელია, რომ იგივე მოთხოვნა უფრო მკაფიოდ საქართველოს, უკრაინისა და მოლდოვას მიერ მემორანდუმის ხელმოწერის დროს გაჟღერდა.

"ჩვენ მივესალმებით ფაქტს, რომ EU-ში ინტეგრაციის უფრო ამბიციური პოლიტიკის შესახებ 17 მაისს საქართველოს, უკრაინისა და მოლდოვას საგარეო საქმეთა მინისტრების მიერ გაჟღერდა — მათ ჩამოაყალიბეს თანამშრომლობა, რომ როგორ ასოცირებულმა ტრიომ ევროინტეგრაციის თავიანთი სურვილი გააჟღერონ, დაწყებული ერთიან ბაზარზე ინტეგრაციით", — აღნიშნულია განცხადებაში.

ამასთან, როგორც დოკუმენტში ვკითხულობთ, ევროპარლამენტმა აღმოსავლეთ პარტნიორობის შესახებ თავის რეკომენდაციებში, 2020 წლის ივნისის, სამიტის წინ ევროკავშირის ინსტიტუტებს მოუწოდა, რომ უპირველეს ყოვლისა, შეემუშავებინათ უფრო ამბიციური და სტრატეგიული პოლიტიკა აღმოსავლეთ პარტნიორობასთან მიმართებით, მათ შორის, მათი ევროკავშირის ერთიან ბაზარზე ინტეგრაციის შესახებ. აღსანიშნავია, რომ აღმოსავლეთ პარტნიორობის სამიტი 15 დეკემბერს გაიმართება.