იუსტიციის მინისტრის მოვალეობის შემსრულებელმა ალექსანდრე ბარამიძემ დღეს პარლამენტის პლენარულ სხდომაზე განაცხადა, რომ როდესაც სქესს იცვლის ადამიანი, მას უნდა მიენიჭოს ის სქესი, რომელიც სურს.

ფოტო: მეორე არხი / კადრი ვიდეოდან

სხდომაზე ქალთა მიმართ ძალადობის შესახებ კანონპროექტს განიხილავდნენ, როდესაც ფრაქცია საქართველოს პატრიოტების თავჯდომარემ გიორგი ლომიამ ალექსანდრე ბარამიძეს ჰკითხა, ტრანსგენდერი ჩაითვლებოდა თუ არა ქალად, ამ კანონპროექტის მიხედვით.

"უნდა ჩამოვყალიბდეთ, ბუნებრივია, როდესაც სქესს იცვლის ადამიანი, მას უნდა მიენიჭოს ის სქესი, რომლის სურვილიც ჰქონდა რომ ქონოდა. თუმცა, ეს სხვა კანონმდებლობის თემაა".

იუსტიციის მინისტრის მოვალეობის შემსრულებელმა აღნიშნა, რომ სამწუხაროდ საქართველოს კანონმდებლობა ამ საკითხთან მიმართებაში ცალსახა არაა.