ცენტრ ემპათიას ხელმძღვანელი, მარიამ ჯიშკარიანის განცხადებით, მიხეილ სააკაშვილის სამედიცინო ბარათიდან არ ირკვევა, რატომ იღებდა ექსპრეზიდენტი ნეიროლეპტიკურ პრეპარატს. მისი თქმით, სააკაშვილმა იცოდა, რომ საძილე მედიკამენტს იღებდა.

"რუსთავი მე-12 დაწესებულებაში დაუნიშნეს ეს მედიკამენტი, რატომ დაუნიშნეს, სამედიცინო ბარათიდანაც არ ირკვევა, ვინაიდან, მას არ აღენიშნებოდა ის სიმპტომატიკა, რომელიც ამ მედიკამენტს მოითხოვდა. იცის, რომ იღებდა, მაგრამ მან იცოდა, რომ ეს იყო საძილე. თუმცა 27 ნოემბერს როცა ეს მოვხსენით, მეორე დღესვე იგრძნო ცვლილება. ამაზე პასუხი, ალბათ, ექნება იუსტიციის სამინისტროს — იყენებენ ამ პრეპარატს ზოგადად საძილედ, თუ რაიმე განზრახვით. ნებისმიერ შემთხვევაში, იმ ნევროლოგიურ სიმპტომატიკაზე, რომელიც ამჟამად გამოვლენილია, ამ პრეპარატის მიღება კატეგორიულად დაუშვებელია", — განაცხადა მან.

დღე მარიამ ჯიშკარიანმა განაცხადა, რომ სააკაშვილი ფსიქოტროპულ მედიკამენტებს იღებდა. ექსპრეზიდენტი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს.