ლატვიაში საქართველოს საელჩს ინფორმაციით, დღეს ქალაქ რიგის ცენტრალური, თავისუფლების პროსპექტის - ბრივიბას გატვე - ერთ-ერთ მონაკვეთზე საფუძველი ჩაეყარა თბილისის სკვერის მოწყობას.

სკვერის მოწყობის ადგილას თბილისისა და რიგის მერიის წარმომადგენლებმა მეგობრობის ნიშნად, სიმბოლურად დარგეს ცაცხვისა და ვაზის ნერგები.

რიგის მერიის განმარტებით თბილისის სკვერის საბოლოო მოწყობა-მოპირკეთება დასრულდება წლის განმავლობაში და განთავსდება სპეციალური დაფა შესაბამისი აღნიშვნით ქართულ და ლატვიურ ენებზე.

ანალოგიურად, იგეგმება რიგის სკვერის გახსნა ქალაქ თბილისში.