სახელმწიფო კონსილიუმის წევრი ექიმი, ნინო შარაშენიძე აცხადებს, რომ მიხეილ სააკაშვილის ჯანმრთელობის მდგომარეობა სტაბილურია და საერთო სისუსტე აღენიშნება. როგორც ის განმარტავს, ეს თვალშისაცემია ემოციური და ფიზიკური აქტივობის შემდეგ.

"ზოგადი თერაპიული სტატუსი სტაბილურია, აქვს საერთო სისუსტე პერიოდულად, რომელიც განსაკურებით უფრო თვალშისაცემი ხდება ხოლმე მისი ემოციური აქტივობის, ან ფიზიკური აქტივობის შემდეგ. იყო გუშინ არტერიული წნევის მომატების პერიოდიც, რომელიც ძალიან მალე დარეგულირდა. იღებს საკვებს ფიზიოლოგიურად, უკვე ეკუთვნის პრინციპში მას თავისი კვების რეჟიმი. რაღაც გარკვეული ლაბორატორიულ მაჩვენებლები ჯერ კიდევ საჭიროებს მედიკამენტურ ჩართულობას და იღებს ამ მედიკამენტებს. ხორციელდება ყველაფერი გრაფიკის მიხედვით", — აცხადებს ის.

2 დეკემბერს თბილისის საქალაქო სასამართლოში, ე.წ. პიჯაკების საქმის სასამართლო პროცესი გაიმართა, რომელსაც სააკაშვილიც ესწრებოდა. საქმეს მოსამართლე, ბადრი კოჭლამაზაშვილი იხილავდა. სააკაშვილს ბრალად სამსახურებრივი მდგომარეობის გამოყენებით, წინასწარი შეთანხმებით, დიდი ოდენობით სახელმწიფო ქონების გაფლანგვა ედება. საუბარია 9 მილიონ 24 ათას 667 ლარის გაფლანგვაზე. დანაშაული 7-დან 11 წლამდე თავისუფლების აღკვეთას ითვალისწინებს.