საერთაშორისო რესპუბლიკური ინსტიტუტის (IRI) მიერ ჩატარებული გამოკითხვის შედეგებით, შემდეგ კვირას რომ ადგილობრივი თვითმმართველობის არჩევნები ტარდებოდეს, მოსახლეობა შემდეგ არჩევანს გააკეთებდა:

  1. ქართული ოცნება - 26%;
  2. ერთიანი ნაციონალური მოძრაობა - 15%;
  3. ევროპული საქართველო - 8%;
  4. ლეიბორისტული პარტია - 6%;
  5. პატრიოტთა ალიანსი - 4%;
  6. თავისუფალი დემოკრატები - 3%;
  7. გაერთიანებული დემოკრატიული მოძრაობა - 2%;
  8. ახალი პოლიტიკური ცენტრი - გირჩი 1%;
  9. რესპუბლიკური პარტია - 1%;
  10. არცერთი - 12%;
  11. უარი პასუხზე - 19%.

საერთაშორისო რესპუბლიკურმა ინსტიტუტმა (IRI) 4 აპრილს გამოაქვეყნა მთელი ქვეყნის მასშტაბით ჩატარებული სოციალური გამოკითხვის შედეგები, რომელიც არაერთ მნიშვნელოვან საკითხს ეხება, მათ შორის ევროკავშირში გაწევრებას, რუსეთთან ურთიერთობებს, ასევე, მოსახლეობის პოლიტიკურ სიმპათიებს.

IRI-მ გამოკითხვა მთელი ქვეყნის მასშტაბით (აფხაზეთისა და სამხრეთ ოსეთის გამოკლებით) ჩაატარა 2017 წლის 22 თებერვლიდან 8 მარტის პერიოდში. პირისპირ ინტერვიუს სახით, სულ გამოიკითხა საქართველოში საარჩევნო ხმის უფლების მქონე 1 501 მუდმივი მაცხოვრებელი, პასუხი გაცემის მაჩვენებელი 69 პროცენტია, ცდომილების ზღვარი კი მერყეობს პლუს-მინუს 2,5 პროცენტით.