საქართველოს რეფორმების ასოციაცია (GRASS) ევროკავშირის ფინანსური მხარდაჭერით ქვემო ქართლში ვაქცინაციის წამახალისებელ კამპანიას აწყობს. ორგანიზაციამ 10 ადგილობრივი ახალგაზრდა გადაამზადა, რომლებმაც 15, 16, 17 ნოემბერს მარნეულისა და დმანისის სოფლებში კარდაკარის პრინციპით მოქალაქეებს COVID-19 ვაქცინაციისა და მასთან დაკავშირებული დეზინფორმაციის შესახებ ინფორმაცია მიაწოდეს.

დღეს, 18 ნოემბერს, რეფორმების ასოციაციის, დაავადებათა კონტროლის ცენტრისა და ჯანდაცვის სამინისტროს ორგანიზებით მარნეულის მუნიციპალიტეტის სოფელ შაუმიანსა და დმანისის მუნიციპალიტეტის სოფელ ამამლოში მობილურ ამცრელ პუნქტებს მოაწყობს. გარდა ამისა, ამცრელი პუნქტის გვერდით კოვიდ რეგულაციების დაცვით მოეწყობა მობილური კონცერტი.

საქართველოში ამ დროისთვის 3 სხვადასხვა ვაქცინაა ხელმისაწვდომი. უკვე შესაძლებელია ბუსტერითა და ჩანაცვლებით სარგებლობაც. დეტალები ნახეთ აქ: ვინ მიიღებს, როდის და როგორ — რა უნდა ვიცოდეთ ბუსტერსა და ჩანაცვლებაზე

ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.