"ამბობენ ნივთებს ბედნიერება მოაქვთო, შეიძლება ასეც არის. თუმცა, ჩვენ რაც დარწმუნებით ვიცით, ისაა, რომ წრფელი გულით, დიდი მონდომებითა და კეთილი სურვილების ჩაქსოვებით შექმნილ ნივთებს ჯადოსნური საშობაო განწყობა ნამდვილად მოაქვთ", — ამბობენ ბაბალეში.

ბაბალე სოციალური საწარმოა, რომლის მისია, იდეა და ფუნქცია ინტელექტუალური შეზღუდული შესაძლებლობის მქონე პირების განვითარება და დასაქმებაა. საწარმოში მუდმივად დასაქმებულია 5 შშმ მოზარდი.

სულ ცოტა ხნის წინ საწარმოს მაღაზია ერთწლიანი პაუზის შემდეგ ისევ გაიხსნა. შარშან, პანდემიური სიტუაციის გათვალისწინებით, გადაწყდა, რომ სახლიდან ემუშავათ და სრულად ონლაინგაყიდვებზე გადასულიყვნენ. ახლა კი, როცა ვაქცინირებულ თანამშრომლებს უსაფრთხო გარემოში შეუძლიათ საყვარელი საქმის კეთება, ძველ თბილისში პაწაწინა საწარმოს კარი ისევ გაიღო სტუმრებისთვის.

გნომიკები მისალოც ბარათებზე დაწერილი სურვილების ასრულებას გვპირდებიან.

ფოტო: ბაბალე

"ხელნაკეთი ნივთების საწარმო შემოდგომის მიწურულიდან ნამდვილ, ჯადოსნურ საშობაო საამქროდ გადაიქცევა ხოლმე", — ამბობენ აქ, — "ბევრი ფერადი, ბრჭყვიალა და მანათობელი ნივთების ერთობლიობას ჩვენთან დიდი სადღესასწაულო განწყობა მოაქვს. უცებ ყველანი სანტას ელფები ვხდებით და რა გასაკვირია, რომ წლის ეს პერიოდი განსაკუთრებით გვიყვარს".

ცივ ამინდებს ცხელი გლინტვეინიც უხდება, სადღესასწაულო ჭიქით.

ფოტო: ბაბალე

ბაბალეში მოზარდები პროფესიონალ მხატვრებთან ერთად მუშაობენ, იფიქრებენ იდეებს, რომლებიც ფურცელზე გადმოაქვთ, შემდეგ კი ლამაზ-ლამაზ ნივთებზე.

თი ანგელოზი საშობაო განწყობას ვერ მოიყვანსო, ამიტომ აქ ბევრია და ნაირ-ნაირი.

ფოტო: ბაბალე

"სამუშაო პროცესი, განსაკუთრებით მაშინ, როცა სანტას ელფი ხარ და გინდა შენი ბედნიერი განწყობა სხვებსაც გადასდო, ძალიან საინტერესო და ამაღელვებელია".

ფოტო: ბაბალე

ფოტო: ბაბალე

რადგან ფიფქებოს გულში ღიღინი და საახალწლო საჩუქრებზე ფიქრი უკვე ყველამ დავიწყეთ, ბაბალე ალბათ ის ადგილია, სადაც ჩანაფიქრს ყველაზე უკეთ მიგვიხვდებიან. ალექსანდრე დიუმას 21 ნომერში მდებარე მაღაზიაში სტუმრებს უკვე სადღესასწაულო განწყობით ელოდებიან ყოველდღე, დილის 11-დან საღამოს 8 საათამდე.