გათავისუფლებულმა ნადია სავჩენკომ რუსთავი 2-ს ექსკლუზიური ინტერვიუ მისცა, სადაც თქვა, რომ პატიმრობისას ძალიან გაახარა როდესაც სუხიშვილებმა მის მხარდასაჭერად იცეკევს.

"რუსული არხიდან გავიგე, რომ მხარს მიჭერდნენ და გამახსენდა, რომ ერთხელ გამიმართლა და ლვოვში მათ კონცერტზე მოვხვდი. ეს იყო წარმოუდგენელი, საოცარი სანახაობა და ეიფორიით ავივსე, ისე მომეწონა მათი ცეკვა.

როცა გავიგე, რომ მე მგულშემატკივრობდნენ, ძალიან მომინდა ამის ნახვა. რუსული არხი ხომ წარმოგიდგენიათ, ძალიან პატარა მონაკვეთი აჩვენეს, მაგრამ ბედნიერი ვიყავი, რომ ვნახე, მომინდა მათთან ერთად ცეკვა. გავიფიქრე კიდეც, თუ ისინი ჩემს გამო გამოვიდნენ, იქნებ ოდესმე მეც შევძლო მათთან ერთად ცეკვა, საოცრად ლამაზია ქართული ცეკვა".

21 მარტს, რუსეთის საელჩოს ყოფილ შენობასთან Defen Liberty-ის ორგანიზებით სავჩენკოს მხარდამჭერი აქცია გაიმართა, სადაც ანსამბლმა სუხიშვილებმა ხორუმი იცეკვა.

2014 წელს დაკავებული ნადეჟდა სავჩენკო უკრაინაში 25 მაისს დაბრუნდა.

სავჩენკო უკვე უკრაინაშია