ზუგდიდის საკრებულოს მოშიმშილე დეპუტატი აცხადებს, რომ შიმშილობის მეორე დღეს უკვე სუსტად გრძნობს თავს და წარმოუდგენელია, როგორც იქნება 47-ე დღეს პრეზიდენტი. მისივე თქმით, ხელისუფლების არაადამიანურობას ზღვარი არ აქვს.

"47-ე დღე წარმოუდგენელია. მე-2 დღეა ვშიმშილობ და მე რა სუსტად ვარ და როგორ შეიძლება იყოს მესამე პრეზიდენტი, თან ადამიანურ იზოლაციაში ყველასგან, როდესაც გუშინ ექიმიც არ შეუშვეს", — განუცხადა მან მთავარ არხს.

მიხეილ სააკაშვილი უკვე 47-ე დღეა შიმშილობს. ექსპრეზიდენტი და მისი ადვოკატები სამოქალაქო კლინიკაში გადაყვანას ითხოვენ, თუმცა ხელისუფლება უარზეა — ამის ნაცვლად ის გლდანის ციხის სამკურნალო დაწესებულებაში გადაიყვანეს, სადაც იძულებით შეიყვანეს.

სააკაშვილის სამოქალაქო კლინიკაში გადაყვანის მოთხოვნით უკვე მე-14 დღეა შიმშილობს ელენე ხოშტარია. 14 ნოემბერს შიმშილობა დაიწყო ენმ-ის 9 დეპუტატმა და პარტიის წევრმა გიორგი ბარამიძემ. 15 ნოემბერს კი, რუსთავის საკრებულოს 6-მა და ზუგდიდის საკრებულოს ნაციონალური მოძრაობის 5-მა წევრმა.