ევროპარლამენტარი, ევროპის სახალხო პარტიის საგარეო ურთიერთობათა სპიკერი მაიკლ გალერი შეშფოთებას გამოთქვამს ექსპრეზიდენტის ჯანმრთელობის მდგომარეობის გამო და აცხადებს, რომ მას შესაბამისი მკურნალობა უნდა ჩაუტარდეს. ამის შესახებ მან ტვიტერზე დაწერა და EPP-ს განცხადება გააზიარა.

"ჩვენ კვლავ სერიოზულად ვართ შეშფოთებულები მიხეილ სააკაშვილის ჯანმრთელობისა და უსაფრთხოების პირობების გამო. მას უნდა ჩაუტარდეს შესაბამისი მკურნალობა სათანადოდ აღჭურვილ საავადმყოფოში", — წერს გალერი.

EPP-ს განცხადებაში კი ის აღნიშნავს, რომ ექიმთა კონსილიუმის რეკომენდაციები არ არის შესრულებული, ამიტომ მოუწოდებს მთავრობას სრულად და დაუყოვნებლივ აღასრულოს. მისივე თქმით, აშფოთებთ ისიც, რომ ირღვევა სააკაშვილის, როგორც პატიმრის უფლებები, ასევე, პირადი ცხოვრების ხელშეუხებლობა და ღირსება.