საქართველოს აეროპორტების გაერთიანების ინფორმაციით, ქუთაისსა და მესტიას შორის ავიამიმოსვლა განახლდა. შიდა ფრენები, ისევე, როგორც საერთაშორისო, პანდემიის დაწყებისას შეიზღუდა.

aეროპორტების გაერთიანების განცხადებით, რეგულარული რეისები მესტიასა და ქუთაისს შორის კვირაში ერთხელ შესრულდება, თუმცა მოთხოვნიდან გამომდინარე, შესაძლოა, რაოდენობა ეტაპობრივად გაიზარდოს.

"ეს მიმართულება აქტიურად სრულდებოდა პანდემიამდე და პოპულარული იყო როგორც
ადგილობრივ, ისე საერთაშორისო ვიზიტორებში", — განაცხადა საქართველოს აეროპორტების გაერთიანების შესყიდვების მონიტორინგის მენეჯერმა, მარიამ ბახუტაშვილმა.

მესტია-ქუთაისის მიმართულებით ავიაბილეთის ღირებულება 50 ლარია. 3-დან 12 წლამდე ბავშვებზე მოქმედებს 30%-იანი ფასდაკლება, 0-3 წლამდე ჩვილების მგზავრობა კი უფასოა.