თუ სიცოცხლისა და კრიტიკული დაავადებების დაზღვევის შესახებ არაფერი გსმენია, ეს ის დაზღვევაა, რომელიც ჯანმრთელობის გამო შექმნილ ფინანსურ პრობლემებს აგარიდებს. ალდაგის სიცოცხლისა და კრიტიკული დაავადებების დაზღვევა მოიცავს მსხვილი თანხის ანაზღაურებას გარდაცვალების ან კრიტიკული დაავადების დადასტურების შემთხვევაში და ეს თანხა 50 000 ლარიდან 150 000 ლარამდეა.

ალდაგის დაზღვევა ორ პროდუქტს აერთიანებს — სიცოცხლისა დაზღვევას და კრიტიკული დაავადებების დაზღვევას. პასუხს ყველა კითხვაზე ამ პროდუქტთან დაკავშირებით აქ იპოვით:

რა არის სიცოცხლის დაზღვევა?

სიცოცხლის დაზღვევა must-have (აუცილებელი) პროდუქტია საზღვარგარეთ. განვითარებულ ქვეყნებში ადამიანები ჯერ სიცოცხლეს და ჯანმრთელობას აზღვევენ, შემდეგ კი მატერიალურ აქტივებს. სიცოცხლის დაზღვევა ოჯახის ფინანსური მხარდაჭერისთვის შექმნილი პროდუქტია და დაზღვეულის გარდაცვალების შემთხვევაში ოჯახისთვის მსხვილი თანხის ანაზღაურებას გულისხმობს, რომელიც მათ მოულოდნელი ფინანსური კრიზისისგან დაიცავს.

რა არის კრიტიკული დაავადებების დაზღვევა და რა დაავადებებს მოიცავს?

კრიტიკული დაავადებების დაზღვევა დაზღვევის ისეთი სახეობაა, რომლის დროსაც მძიმე დაავადების გამოვლენის შემთხვევაში ერთიან თანხას იღებ. ალდაგის სიცოცხლისა და კრიტიკული დაავადებების დაზღვევაში 16 მძიმე დაავადებას ფარავს: სიმსივნე, ინფარქტი; ინსულტი; აორტის დაავადებების ქირურგიული მკურნალობა; ალცჰაიმერის დაავადება; პარკინსონის დაავადება; ბაქტერიული მენინგიტი; გულის სარქველის ტრანსპლანტაცია; მძიმე დამწვრობა; კომა; თირკმლის უკმარისობა; სასიცოცხლო ორგანოების ტრანსპლანტაცია; ენცეფალიტი; პოლიომიელიტი; სრული, მუდმივი შრომისუუნარობა; თავის ტვინის ტრავმული დაზიანება.

რა ღირს სიცოცხლისა და კრიტიკული დაავადებების დაზღვევა?

დაზღვევის ფასი შენს ასაკსა და არჩეულ სადაზღვევო ლიმიტზეა დამოკიდებული, თუმცა საშუალოდ ის 10-დან 20 ლარამდე ჯდება. რაც უფრო ახალგაზრდა ხარ, მით ნაკლები თანხა გექნება გადასახდელი. სწორედ ამიტომ უმჯობესია, სიცოცხლის დაზღვევა რაც შეიძლება ადრე შეიძინო. მნიშვნელოვანია, რომ ეს დაზღვევა გრძელვადიანად იყიდება (3-დან 10 წლამდე ვადით) და ამ ხნის განმავლობაში გადასახდელი თანხა არ იცვლება.

როგორ შეგიძლია მოითხოვო და მიიღო თანხა სიცოცხლისა და კრიტიკული დაავადებების დაზღვევის შემთხვევაში?

გარდაცვალების შემთხვევაში, თანხის მოთხოვნა დაზღვეულის მემკვიდრეს ან წინასწარ დასახელებულ პირს შეუძლია, რომლის ანგარიშზეც თანხა გარდაცვალების დადასტურებიდან 10 დღეში აისახება.

კრიტიკული დაავადების დადასტურების შემთხვევაში კი დიაგნოზის დასმის შესახებ ალდაგს 24 საათის განმავლობაში უნდა შეატყობინო. თანხა დიაგნოზის დადასტურებიდან 10 დღეში პირად საბანკო ანგარიშზე ერთიანად დაგერიცხება. არ მოგიწევს ვინმეს წარუდგინო ანგარიში თანხა რაში გამოიყენე.

რა უნდა გაითვალისწინო სიცოცხლისა და კრიტიკული დაზღვევის შეძენამდე?

სიცოცხლისა და კრიტიკული დაავადებების დაზღვევის შეძენისას ამოქმედდება 90-დღიანი მოცდის პერიოდი. მოცდის პერიოდი არ ვრცელდება უბედურ შემთხვევებზე, რაც მოულოდნელ, თვალსაჩინო, გარეგანი ძალების ზემოქმედების შედეგად დამდგარ გარდაცვალებას გულისხმობს.

რით განსხვავდება სიცოცხლისა და კრიტიკული დაავადებების დაზღვევა ჯანმრთელობის დაზღვევისგან?

ჯანმრთელობის დაზღვევის სახეობები მხოლოდ უშუალოდ მკურნალობისთვის გაწეულ ხარჯებს ანაზღაურებს მაშინ, როცა სიცოცხლისა და კრიტიკული დაავადებების დაზღვევის შემთხვევაში ერთიანი თანხის მიღება შეგიძლია, რომელსაც სურვილისამებრ განკარგავ შენ ან შენი ოჯახი.

რა დამატებით ბენეფიტებს მიიღებ სიცოცხლისა და კრიტიკული დაავადებების დაზღვევის შეძენის შემთხვევაში?

სიცოცხლისა და კრიტიკული დაავადებების დაზღვევის გრძელვადიანი პოლისის შეძენის შემთხვევაში, ასაკის ცვლილების მიუხედავად ფიქსირებული თანხის გადახდა შეგიძლია. რადგანაც ბავშვების სიცოცხლე და ჯანმრთელობა ყველა მშობლის უმთავრესი პრიორიტეტია, ალდაგში სიცოცხლისა და კრიტიკული დაავადებების დაზღვევისას არასრულწლოვანი შვილების დაზღვევა უფასოა.

ალდაგთან ერთად ნებისმიერ მოულოდნელობას მომზადებული დახვდები. თითოეული შეთავაზება შეგიძლია, შენს ინტერესებსა და შესაძლებლობას მოარგო, რაც დაზღვევით სარგებლობას კიდევ უფრო ხელსაყრელს გახდის.