შენგენის ზონის ქვეყნებში საქართველოს მოქალაქეებისთვის ამოქმედებული უვიზო მიმოსვლით სარგებლობა ბიომეტრიული პასპორტის მფლობელებს შეუძლიათ, თუმცა მოქალაქეთა ნაწილს აქვს ძველი, არაბიომეტრიული პასპორტი, შენგენის მოქმედი ვიზით.

როგორც საგარეო საქმეთა სამინისტროს საკონსულო დეპარტამენტში On.ge-ს უთხრეს, იმ მოქალაქეებს, რომლებსაც აქვთ არაბიომეტრიული პასპორტი და უვიზო მიმოსვლამდე გაცემული მოქმედი შენგენის ვიზა, შეეძლებათ შენგენის ზონაში გადაადგილება:

"თუ აქვს მოქმედი ვიზა, თუ აქვს მოქმედი პასპორტი, დღეების რაოდენობა ვიზის დარჩენილი, შეუძლია იმოგზაუროს".

უვიზო მიმოსვლის ფარგლებში, ბიომეტრიული პასპორტის მფლობელებს ყოველ 180 დღეში, შეეძლებათ მაქსიმუმ 90 დღის განმავლობაში უვიზოდ ესტუმრონ ევროპის 30 ქვეყანას. ამ დღეების გადანაწილება შესაძლებელია სხვადასხვა პერიოდსა და სხვადასხვა ქვეყნაში ყოფნაზე, მთავარია, დღეების ჯამური რაოდენობა არ დაირღვეს.

ამავე თემაზე: