მას შემდეგ რაც სუს-მა სოციალურ ქსელში რევოლუციური განწყობების შესახებ განცხადება გაავრცელა, მოქალაქეები "რევოლუციას" პოსტავენ.

"რევოლუციისკენ მოვუწოდებ ყველას", — წერს სირცხვილიას აქტივისტი, ნოდარ რუხაძე.

ამავე შინაარსის ფეისბუქპოსტი დადო სირცხვილიას კიდევ ერთმა აქტივისტმა, მარიამ გეგუჩაძემ.

აღნიშნულს ეხმაურება, ასევე, მოძრაობა გაბედეს აქტივისტი, მამუკა ჯუღელი.

"დღეს ღამე რევოლუციას ვახდენთ სასტავი და ჩატში ვინ დაგამატოთ დაპლიუსდით ჩემები", — წერს ის ფეისბუქგვერდზე.

მოძრაობა შეცვალეს აქტივისტმა, ნიკა ფარულავამ სუს-ის მოწოდების შემდეგ სიტყვა "რევოლუცია" ფეისბუქპოსტში 24-ჯერ დაწერა.

"სუს-მა სოც.ქსელებში აკონტროლეთ რას წერთ და სიტყვა-რევოლუცია არ ახსენოთ, არც ისეთი რამე დადოთ, რაც ასეთ მასალას შეიცავსო", — წერს ფარულავა.

იგივე დაპოსტა აქტივისტმა, ანა ჭარხალაშვილმაც.

"რ ე ვ ო ლ უ ც ი ა. სუსის კანტორამ ყველას დაგიჭერთ ვინც სიტყვა რევოლუციას ახსენებთო. ანუ ტელეფონზე ხომ გვისმენენ ახლა ფბ პოსტებს გააკონტროლებენ. დესტრუქციული ძალა თუ ვინმეა საქართველოში თქვენ ხართ. და აუცილებლად მიიღებთ პასუხს!", — ამბობს ის.

კამპანიას შეუერთდა TV პირველის ჟურნალისტი, ინგა გრიგოლიაც.

"ბარემ ყველა ერთად დაგვიჭირონ, ვინც ორმოჟდაერთს არ ვწყალობთ. აჰა! დავწერე სიტყვა რევოლუცია. მოდით და დამიჭირეთ", — წერს ის.

ფოტო: კადრი ფეისბუქგვერდებიდან

სახელმწიფო უსაფრთხოების სამსახური მოქალაქეებს აფრთხილებს, რომ საქართველოს კონსტიტუციური წყობილების ძალადობით შეცვლისკენ, სახელმწიფო ხელისუფლების დამხობისკენ, მსგავსი მოწოდების შემცველი მასალის გავრცელება, ამავე მიზნით შეიარაღებული მოწოდება სისხლის სამართლის დანაშაულია და ისჯება თავისუფლების აღკვეთით 3 წლამდე.