ხონში, სოფელ პატარა ჯიხაიში, დღის საათებში, დაახლოებით ორი საათისთვის, ტურამ ქალი დაგლიჯა. აღნიშნულის შესახებ ინფორმაცია ერთ-ერთმა მოქალაქემ Facebook-ზე გაავრცელა.

"არ დავკვირვებივარ, ძაღლი მეგონა. უცებ მომიახლოვდა და დამეტაკა ტუჩებში პირდაპირ. ვერაფრით ვერ მოვაშორე და ხელები ჩავუყავი კბილებში, ტუჩები არ მომაგლიჯოს-მეთქი, ორივე ხელებით გადავწიე და დავაბერტყე დაბლა, დავაჭირე ფეხი, მიშველეთ-მეთქი. გამოცვივდნენ, მერე ნაჯახით მოკლეს და სასწრაფოც გამოვიძახეთ", — ამბობს დაშავებული ნანა მიქაძე მოქალაქესთან საუბრისას.

დაშავებული ყვება, რომ სოფელში ბევრი ტურაა და ღამით მათი ხმა ხშირად ესმით. როგორც ვიდეოდან ჩანს ქალს დაზიანებები აქვს ხელზე და სახის მიდამოებში.