ექიმი, ვაჟა გაფრინდაშვილის განცხადებით, ექსპრეზიდენტმა, მიხეილ სააკაშვილმა საკუთარი პატიმრობა იმ სასამართლო სისტემით მოიპოვა, რაც დატოვა. მისივე თქმით, ციხეში ყოფნა საკუთარ თავზე აქვს გამოცდილი და ამას არავის უსურვებს.

"სამწუხაროდ, ალბათ ბატონი მიშა თავისი მონაგარის შედეგს იღებს. მე ბატონი მიშას წინააღმდეგი ვიყავი თავის დროზე, იმიტომ, რომ მე არ მინდოდა პრეზიდენტი, რომელიც იმპულსურად იღებდა გადაწყვეტილებებს. სამწუხაროდ, იმ პერიოდში ასე იყო, დიდი ძალაუფლება ჰქონდა ხელში და ეს დამახასიათებელია, ალბათ, ყველა რევოლუციური გარდაქმნების პერიოდისათვის, იგივე, როგორც რობესპიერმა გილიოტინა მოიპოვა თავისი თავისთვის, ასევე, ბატონმა მიშამ თავისი დატოვებული სასამართლო სისტემით მოიპოვა ეს თავისი პატიმრობა. მას რომ ეს სისტემა არ დაეტოვებინა, რომელიც მაშინ ოცნებისთვის ცუდს აკეთებდა და დღეს კარგს, ეს შედეგი არ იქნებოდა. ყველა ადამიანს უნდა ჰქონდეს სამართლიანი სასამართლოს უფლება", — თქვა გაფრინდაშვილმა TV პირველის ეთერში.

ექსპრეზიდენტი მიხეილ სააკაშვილი პირველ ოქტომბერს დააკავეს. ის 29-ე დღეა შიმშილობს.