ნაციონალური მოძრაობის ქუთაისის მერობის კანდიდატის, ხატია დეკანოიძის თქმით, პრემიერმინისტრ ირაკლი ღარიბაშვილის განცხადება იმის შესახებ, რომ "ადამიანებს თვითმკვლელობის უფლება აქვთ", კიდევ ერთი მტკიცებულებაა ადამიანის უფლებათა სტრასბურგის ევროპული საქართველოსთვის.

"მორიგი კატასტროფა თქვა. სტრასბურგისთვის კიდევ ერთი მტკიცებულება", — წერს დეკანოიძე Facebook-ზე.

ირაკლი ღარიბაშვილმა გუშინ, 28 ოქტომბერს ექსპრეზიდენტ მიხეილ სააკაშვილის შიმშილობაზე საუბრისას თქვა, რომ ადამიანებს თვითმკვლელობის უფლება აქვთ და სახელმწიფო ამაზე ვერ აიღებს პასუხისმგებლობას. ტელეკომპანია იმედის ეთერში მას წამყვანმა ჰკითხა, რა მოლოდინი აქვს სააკაშვილის შიმშილობაზე და "რა შეიძლება იყოს ფინალი". პასუხად პრემიერმინისტრმა განაცხადა:

"ფინალი არ ვიცი ახლა, ადამიანი თუ თავის ჯანმრთელობას იზიანებს... ის კი არა, უფრო მეტიც, კანონში წერია, რომ ადამიანს აქვს თვითმკვლელობის უფლება, თუ ადამიანი გადაწყვეტს რომ თავი მოიკლას, შეუძლია მოიკლას, მაგრამ ამაზე, რა თქმა უნდა, სახელმწიფო ვერ აიღებს პასუხისმგებლობას".

მიხეილ სააკაშვილის 1 ოქტომბერს დააკავეს, ის 29-ე დღეა შიმშილობს.