AMC-ის საკულტო სერიალი The Walking Dead, რომელიც უკვე შვიდი წელია ეთერში გადის, როგორც აღმოჩნდა ჯერ არ დასრულდება.

შოუს პირველი სერია ეთერში 2010 წლის 31 ოქტომბერს გავიდა, რომელსაც 5 მილიონზე მეტმა ადამიანმა უყურა, მეშვიდე სეზონის პრემიერას კი 17 მილიონზე მეტი მაყურებელი ელოდა ტელეეკრანთან, შესაძლოა სწორედ ასეთი სტაბილურად მზარდი რეიტინგის დამსახურებაა ისიც, რომ პროდიუსერებმა დიდი გამოწვევა მიიღეს.

სერიალის პროდიუსერის, სკოტ გიპმპლი ამბობს, რომ პროექტი, სულ მცირე, 2030 წლამდე გაგრძელდება.

"ჩვენ ვეცდებით, პროექტი კიდევ 20 წლის განმავლობაში გავაგრძელოთ. სიმპსონები 26, 27 წელია გადის და ჩვენ მივიღეთ ეს გამოწვევა", - ამბობს სკოტი.

The Walking Dead ამერიკული სატელევიზიო სერიალია, რომელიც ამავე სახელწოდების კომიქსების სერიაზეა დაფუძნებული. სერიალში ენდრიუ ლინკოლნი თამაშობს, რომელიც რიკ გრაიმსის როლს ასრულებს. მისი პერსონაჟი ხანგრძლივი კომიდან გამოდის და იგებს, რომ მთელი ამერიკა ინფექციამ მოიცვა, მოსახლეობის უმეტესობა კი ზომბებად იქცა. შოუს მთავარი ისტორიაც ზომბი აპოკალიპსის შემდეგ გადარჩენილების პატარა ჯგუფზეა, რომლებიც თავშესაფარს ზომბებისგან თავდასაცავად ეძებენ. სიუჟეტი ორიენტირებულია ძირითადად იმ დილემებზე რომელთაც ჯგუფი მოულოდნელად აწყდება და იბრძვის დააბალანსოს კაცობრიობა თავისი გადარჩენით და ბრძოლით ზომბების წინააღმდეგ, ხოლო მოგვიანებით, თუ როგორ ართმევენ თავს ჯგუფის წევრების სიკვდილს და აქვთ ურთიერთობა სხვა გადარჩენილებთან, რომლებსაც მოულოდნელად ხვდებიან და მათგან უმრავლესობა მათთვის სახიფათოა.

ორიგინალური კომიქსი საზოგადოებაში დიდი პოპულარობით სარგებლობდა და გარკვეულწილად სერიალის წარმატებაც ამან განაპირობა.