კულტურის, სპორტისა და ახალგაზრდობის მინისტრი, თეა წულუკიანი ქართული ოცნების წინასაარჩევნო აქციიდან ექსპრეზიდენტ მიხეილ სააკაშვილს მიმართავს და სთხოვს გამოიხედოს ციხის საკნიდან. ყოფილი იუსტიციის მინისტრის თქმით, მან ნახოს რამდენ ადამიანს ახსოვს მისი "მოძალადეობრივი რეჟიმი".

"სააკაშვილო, გამოიხედე ციხის საკნიდან, ნახე რამდენი თავისუფალი ქართველია აქ, რომელსაც ახსოვს შენი მოძალადეობრივი რეჟიმი, რომელსაც არ უნდიხარ. დღეს ჩვენ კვლავ ვიბრძვით მის წინააღმდეგ.

ხომ ბევრს გეგონათ, ჩვენო მხარდამჭერებო, რომ თუ ეს დიდი ბოროტება ჩაჯდებოდა ციხეში ბრძოლაც დამთავრდებოდა. უკეთესი საქართველოსთვის ბრძოლა ასე მარტივად არ მთავრდება. ასე ცხოვრობდა ყველა ამ მიწაზე ჩვენამდე და ჩვენც წინ გვაქვს კიდევ ახალი და ბევრი ბრძოლები", — განაცხადა თეა წულუკიანმა.

ამ წუთებში თავისუფლების მოედანზე ქართული ოცნების წინასაარჩევნო აქცია მიმდინარეობს.

საქართველოს მესამე პრეზიდენტი, მიხეილ სააკაშვილი რუსთავის ციხეში 27-ე დღეა შიმშილობს.