შინაგან საქმეთა სამინისტროს ინფორმაციით, დააკავეს ოთხი ადამიანი, რომლებსაც ცეცხლსასროლი იარაღებისა და საბრძოლო მასალების შეძენა-შენახვა-ტარებას ედავებიან. ბრალდებულები სხვადასხვა დროს, თბილისში, ლენტეხში, ახალციხესა და მარნეულში დააკავეს.

საერთო ჯამში ამოღებულია "ჩზ"-ს მოდელის ცეცხლსასროლი შაშხანა, 6 მჭიდი, 88 საბრძოლო ვაზნა, კალაშნიკოვის სისტემის "აკ-74"-ის მოდელის ავტომატური ცეცხლსასროლი იარაღი, "ტტ"-ს სისტემის ცეცხლსასროლი იარაღი და "ჩზ"-ს ტიპის ცეცხლსასროლი პისტოლეტი.

ცეცხლსასროლი იარაღის და საბრძოლო მასალის მართლსაწინააღმდეგო
შეძენა-შენახვა-ტარების ფაქტებზე გამოძიება სსსკ-ის 236-ე მუხლის მე-3 და მე-4 ნაწილებით მიმდინარეობს. დანაშაულები 3-დან 7 წლამდე ვადით თავისუფლების აღკვეთას ითვალისწინებს.