პრემიერმინისტრმა ირაკლი ღარიბაშვილმა, მას შემდეგ, რაც სპეცრაზმის მობილიზებისა და დეცენტრალიზაციის შესახებ დაუსვეს კითხვები, განაცხადა, რომ "ძალიან ამბიციური გეგმები" აქვს და არ სცალია ნიკა მელიასთავის და კობა ნაყოფიასთვის.

"მე მაქვს ძალიან ამბიციური გეგმები და არ მცალია არც კობა ნაყოფიასთვის და არც ანზორ მელიასთვის და მათ ვერ დაველოდებით ამ საქმის გასაკეთებლად", — განაცხადა პრემიერმინისტრმა.

გუშინ საღამოდან ვრცელდება ინფორმაცია სპეცრაზმის მობილიზების შესახებ. მთავარი არხის ცნობით, გორის სპეცრაზმი ზუგდიდში ჩაჰყავთ. ნაციონალური მოძრაობის თავმჯდომარე ნიკა მელიამ განაცხადა, რომ ხელისუფლება ზუგდიდსა და თბილისში დაკავებებს გეგმავს. ღარიბაშვილმა სპეცრაზმის მობილიზების შესახებ ინფორმაციას "სრული ტყუილი" უწოდა.

გარდა ამისა, მან 22 ოქტომბერს გაკეთებულ განცხადება განმარტა და თქვა, რომ სენაკის მერად არჩევის შემთხვევაში კობა ნაყოფია შეძლებს იმ მინიმუმის გაკეთებას, რაც ბიუჯეტით აქვს განსაზღვრული.

გაიგე მეტი: