სამხრეთ კორეაში უსამართლო სამუშაო პირობები Squid Game-ის კოსტიუმებით გააპროტესტეს

ფოტო: Ahn Young-joon / AP
ოთხშაბათს სამხრეთ კორეაში უსამართლო სამუშაო პირობების გასაპროტესტებლად დაახლოებით 80 000 ადამიანი ქუჩაში გამოვიდა. დემონსტრაციის მონაწილეებმა ნეტფლიქსის სამხრეთ კორეული სერიალის, Squid Game-ის კოსტიუმები მოირგეს.
სამხრეთ კორეის პროფესიული კავშირების წევრები 13 ქალაქში, მათ შორის, დედაქალაქ სეულშიც გაიფიცნენ. ისინი სახელმწიფოსგან უკეთეს სამუშაო პირობებს ითხოვდნენ. მხოლოდ სეულში უსამართლო სამუშაო პირობების გასაპროტესტებლად დაახლოებით 27 000 დასაქმებული შეიკრიბა. მათ შეკავებას 12 000 პოლიციელი ცდილობდა.
Channel News Asia-ის კორეის განყოფილების ხელმძღვანელმა ტვიტერზე დემონსტრაციის ვიდეო გაავრცელა და დაწერა, რომ გაფიცულებს Squid Game-ის პერსონაჟებს მსგავსად ფინანსურად უჭირთ და არსებობისთვის ბრძოლა უწევთ.
ნეტფლიქსის სერიალში 456 ადამიანი ერთმანეთს სასიკვდილო თამაშებში ფულადი პრიზის მოსაგებად უპირისპირდება. თამაშების თითოეულ მონაწილეს ფინანსური პრობლემები აქვს, რაც, როგორც ჩანს, სამხრეთ კორეელების ნაწილისთვის უცხო სულაც არაა.
აღსანიშნავია, რომ სამხრეთ კორეაში კორონავირუსთან დაკავშირებული შეზღუდვების გამო 8-10 ადამიანზე მეტის შეკრება აკრძალულია. ვირუსის გავრცელების პრევენციის მიზნით პრეზიდენტმა გაფიცულებს დაშლისკენ მოუწოდა.
ამავე თემაზე:
- Squid Game 111 მილიონი ნახვით ნეტფლიქსის ყველაზე პოპულარული სერიალია;
- 10 თამაში ჩვენი ბავშვობიდან, რომელსაც ქართულ Squid Game-ში ვითამაშებდით;
- ტესტი: Squid Game-ის რომელი პერსონაჟი ხარ?;
- 10 საინტერესო ფაქტი Squid Game-ის შესახებ, რომელიც აქამდე, ალბათ, არ იცოდი;
- 5 თეორია Squid Game-ის შესახებ, რომელიც სერიალს სხვა თვალით დაგანახებს.
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
გადახედვა
-
-
-
-
-
-
გადახედვა
-
გადახედვა
-
გადახედვა
კომენტარები