ევროკავშირის ერლჩმა საქართველოში კარლ ჰარცელმა და ევროკომისიის აღმოსავლეთ სამეზობლოსთან ურთიერთობისა და ინსტიტუციურ მშენებლობაზე პასუხისმგებელმა დირექტორმა ლორენს მერედიტმა ბათუმში ვიზიტის პროგრამა 8 ოქტომბერს ბათუმში მომხდარი ტრაგედიის ადგილზე მისვლით დაიწყო. მათ დაღუპულთა ხსოვნის პატივსაცემად ტრაგედიის ადგილს ყვავილებით შეამკეს.

ისინი დღეს ბათუმში იმყოფებიან, რათა ევროკავშირის მიერ რეგიონის მხარდაჭერას და შავი ზღვით კავშირების განმტკიცების მნიშვნელობას ხაზი გაუსვან.


8 ოქტომბერს, ბათუმში დატრიალებულმა ტრაგედიამ მთელი ქვეყანა შეძრა. 26 მაისის ქუჩაზე საცხოვრებელი კორპუსი ჩამოინგრა, რის შედეგადაც 9 ადამიანი დაიღუპა, გადარჩა ერთი. დაღუპულებს შორის 3 არასრულწლოვანია, ერთი 7 წლის, მეორე წლისა და 3 თვის და მესამე 12 წლის.

სამაშველო ღონისძიება თითქმის 30 საათის განმავლობაში მიმდინარეობდა.

10 ოქტომბერს პროკურატურამ განაცხადა, რომ ბრალდებულებმა მოშალეს როგორც არამზიდი, ასევე, მზიდი კონსტრუქცია (კედლები), რითაც საცხოვრებელი კორპუსის სიმტკიცე და მდგრადობა დაირღვა, რამაც შვიდსართულიანი კორპუსის ნგრევა გამოიწვია.

უწყების ინფორმაციით, სამი დაკავებული სამშენებლო სამუშოებს სახელმწიფოსგან ყოველგვარი ნებართვის გარეშე, თვითნებურად აწარმოება, რაც ყოველგვარი საინჟინრო და უსაფრთხოების წესების დარღვევით მინდინარეობდა, შესაბამისი საინჟინრო ცოდნის მქონე სპეციალისტის მონაწილეობის გარეშე.

პროკურატურამ დაკავებულებს — ზ.ბ.-ს, ხ.ს.-ს და გ.ს.-ს ბრალდება საქართველოს სისხლის სამართლის კოდექსის 240-ე მუხლის მეორე ნაწილით წარუდგინა (სამშენებლო სამუშაოს წარმოებისას უსაფრთხოების წესის დარღვევა, რამაც ადამიანების სიცოცხლის მოსპობა და მძიმე შედეგი გამოიწვია.).