ბათუმში, კორპუსის ჩამონგრევისას, ნანგრევებიდან ამოყვანილი კაცი რეანიმაციული განყოფილებიდან პალატაში გადაიყვანეს. აღნიშნულზე ინფორმაცია On.ge-ს მედცენტრში დაუდასტურეს.

მათივე ცნობით, კაცის მდგომარეობა სტაბილურია და ის კონტაქტურია.

8 ოქტომბერს, ბათუმში, 26 მაისის ქუჩაზე საცხოვრებელი კორპუსი ჩამოინგრა. დაღუპულია 9 ადამიანი, გადარჩა ერთი. დაღუპულებს შორის 3 არასრულწლოვანია, ერთი 7 წლის, მეორე წლისა და 3 თვის და მესამე 12 წლის.

ბათუმში სამაშველო ღონისძიება თითქმის 30 საათის განმავლობაში მიმდინარეობდა.

ბათუმში მომხდარი ტრაგედიის გამო, 11 ოქტომბერი გლოვის დღედ გამოცხადდა. მთავრობის განკარგულებით, ორშაბათს 00:00 საათიდან, 12 ოქტომბრის 00:00 საათამდე, საქართველოს მთელს ტერიტორიაზე სახელმწიფო დროშები დაეშვება.