გაიზრდება თუ არა მარიხუანის ლეგალიზაციით მისი მოხმარების სიხშირე არასრულწლოვანებში? ამ კითხვაზე პასუხის გაცემას ვაშინგტონში ახალგაზრდების ჯანმრთელობის კვლევის ცენტრი შეეცადა.

ბიზნეს ინსაიდერის ცნობით, 2016 წელს ჩატარებული გამოკითხვით, რომელშიც მონაწილეობდა 230 ათას მოსწავლეზე მეტი, ჩანს, რომ მე-8, მე-10 და მე-12 კლასის მოსწავლეებში მარიხუანის მოხმარების სიხშირე მისი ლეგალიზაციის პირობებში არ იზრდება.

ვაშინგტონის შტატის ამომრჩეველმა კანაფის რეკრეაციული მიზნით გამოყენების ლეგალიზაციას მხარი 2012 წელს დაუჭირა, 2014 წელს კი შტატში მარიხუანის მაღაზიები გამოჩნდა.

ამ დროისთვის, ახალგაზრდები ამბობდნენ, რომ მარიხუანა ბოლო 30 დღის განმავლობაში ერთხელ მოიხმარეს. 2016 წელს ჩატარებული გამოკითხვით კი, მე-8 კლასის მოსწავლეთა ექვსი და მე–10 კლასელთა 17 პროცენტი ამბობდნენ, რომ მარიხუანა ერთი თვის წინ მოიხმარა. მეთორმეტე კლასის მოსწავლეების 26 პროცენტის თქმით კი, მარიხუანა ბოლო 30 დღის განმავლობაში ერთხელ მოიხმარეს.

როგორც კვლევამ აჩვენა, ქალაქში მარიხუანის მაღაზიების გახსნა არ უადვილებს ახალგაზრდებს მის შეძენას.

მერვე და მეთორმეტე კლასის მოსწავლეები ამბობენ, რომ კანაფი მათთვის ახლაც იმდენად ხელმისაწვდომია, როგორც 2014 წელს. მეათე კლასელების თქმით კი, მარიხუანის მოპოვება მათთვის "ძალიან ადვილია".

აღნიშნული მონაცემები კიდევ ერთხელ ადასტურებს სხვა შტატების კვლევის შედეგებს, რომლებმაც რეკრეაციული მარიხუანის ლეგალიზებას მხარი დაუჭირეს.

კოლორადოსა და ორეგონში, ლეგალიზაციის შემდეგ, იმ მოსწავლეების რაოდენობა, რომლებიც მოიხმარდნენ ან არასდროს მოიხმარდნენ მარიხუნას, უცვლელი დარჩა, ან მცირედით შემცირდა.