ბათუმში, კორპუსის ნანგრევებიდან რკინის დიდი კონსტრუქცია აიღეს. მაშველები რამდენიმე საათის განმავლობაში ვერ ახერხებდნენ მის გადმოტანას.

ბათუმში, 26 მაისის ქუჩაზე კორპუსი ჩამოინგრა. მსხვერპლის შესახებ ჯერჯერობით ინფორმაცია არ ვრცელდება. ამ ეტაპზე უცნობია ნგრევის მიზეზიც.

ჯერჯერობით, რაც დადასტურებულად ცნობილია, ნანგრევებიდან მცირეწლოვანი ბავშვი გამოიყვანეს. ის საავადმყოფოშია გადაყვანილი.

შინაგან საქმეთა სამინისტროს ინფორმაციით, საცხოვრებელი კორპუსის ჩამონგრევაზე გამოძიება დაწყებულია, ხოლო დაშავებულების შესახებ ინფორმაცია ზუსტდება.

ჩვენ დამატებითი ინფორმაციის მიღებას საგანგებო სიტუაციების მართვის სამსახურისგან ვცდილობთ. დეტალებს უწყებებიდან პასუხის მიღებისთანავე შემოგთავაზებთ.