არასამთავრობო ორგანიზაცია საერთაშორისო გამჭვირვალობის (TI) განცხადებით, ცენტრალური კომისიის მიერ არჩევნების პირველადი შედეგების გამოქვეყნების დაგვიანება მისივე პრაქტიკის გაუარესებაა.

"ცენტრალურმა საარჩევნო კომისიამ არჩევნების პირველადი წინასწარი შედეგები საარჩევნო უბნების დახურვიდან 11 საათზე მეტი ხნის შემდეგ წარადგინა, რაც მისივე პრაქტიკის გაუარესებაა", — აცხადებენ ორგანიზაციაში.

ამასთან, ორგანიზაცია აღნიშნავს, რომ წინასაარჩევნო პერიოდისა და არჩევნების დღის გათვალისწინებით, ხელისუფლებას არ გააჩნია ნება, რომ არჩევნები მაღალი დემოკრატიული სტანდარტებით ჩაატაროს. გარდა ამისა, TI-ში მიიჩნევენ, რომ ქვეყანა ამისგან ჯერ კიდევ შორსაა.

ცენტრალურმა საარჩევნო კომისიამ პირველადი შედეგები კენჭისყრის დასრულებიდან 11 საათის შემდეგ გამოაქვეყნა. თავმჯდომარის, გიორგი კალანდარიშვილის განცხადებით, ამის მიზეზი ისაა, რომ სურდათ, წინასწარ მონაცემებს აესახა "მაქსიმალურად პროპორციული ხმათა რაოდენობა, რისი შესაძლებლობაც ამ დრომდე ბოლომდე არ იყო".

არასამთავრობო ორგანიზაცია საერთაშორისო გამჭვირვალობის დეტალური შეფასებებს შეგიძლია გაეცნოთ აქ: