ქართული ოცნების აღმასრულებელი მდივნი მამუკა მდინარაძე აცხადებს, რომ მმართველი პარტიის ექსპერტების თქმით, მიხეილ სააკაშვილის მიერ გავრცელებული ვიდეო ფეიკია. ამასთანავე, მდინარაძე ამბობს, რომ ვიდეოს არაავთენტურობის დამადასტურებელი დოკუმენტი ორ საათში ვერ შედგება.

"ჩვენი ექსპერტები ამბობენ, რომ ეს [სააკაშვილის ვიდეო] არის დადასტურებულად ფეიკი და მათ შორის, პირველ ვიდეოში ჩარჩო რომ ტრიალებს, ის არ გამოგრჩეთ, თქვენთვის შეიძლება ძალიან არასასიამოვნო ინფორმაციაა და დანარჩენზე მერე ვისაუბროთ, როდესაც უკვე საბოლოოდ დადასტურდება, უკვე დოკუმენტალურად, თუმცა დღეს ერთ და ორ საათში ეს შეუძლებელია", — განაცხადა მდინარაძემ.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: