ნაციონალური მოძრაობის წევრი დავით კირკიტაძე ირწმუნება, რომ ექსპრეზიდენტი მიხეილ სააკაშვილი საქართველოშია. მისივე თქმით, ის საქართველოში გუშინ ჩამოვიდა.

"მიხეილ სააკაშვილი საქართველოშია, ისე როგორც შეპირდა ჩვენი ქვეყნის მოქალაქეებს. ახლა ჯერი ჩვენზეა, იმ ადამიანებზე ვისაც გვაქვს ხვალ უფლება და საშუალება მივიდეთ საარჩევნო უბნებზე და გავაკეთოთ არჩევანი. გუშინ ჩამოვიდა საქართველოში", — ამბობს კირკიტაძე TV პირველთან.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: