დღეს, იურიდიულ საკითხთა კომიტეტის სხდომაზე ფარული მიყურადების შესახებ კანონზე, დეპუტატებმა პრეზიდენტის მოტივირებული შენიშვნები განიხილეს და მხარი არ დაუჭირეს. პრეზიდენტის ვეტო მხოლოდ ოპოზიციური პარტიის ორმა წარმომადგენელმა გაიზიარა.

მოტივირებული შენიშვნების მომხსენებელი იყო პრეზიდენტის საპარლამენტო მდივანი ანა დოლიძე. მისი თქმით, პრეზიდენტი გამოყოფს ორ ფუნდამენტურ პრობლემას აღნიშნულ კანონში და ესენია: ახლადშესაქმნელი სააგენტოს დამოუკიდებლობა, თუ რამდენად დამოუკიდებელი იქნება ის შინაარსობლივად, მეორე კი ეხება იმ ხარჯებს, რომელიც მობილურმა ოპერატორებმა უნდა გასწიონ, იმისათვის რომ შეასრულონ სახელმწიფო დავალებები თუ ფუნქციები:

"წარმოდგენილი კანონი ეწინააღმდეგება საქართველოს კონსტიტუციას, განსაკუთრებით ადამიანის უფლებებსა და თავისუფლებებს, ეწინააღმდეგება საკონსტიტუციო სასამართლოს გადაწყვეტილებასა და ევროსასამართლოდ პრეცენდენტებს".