ქართული ოცნების თავმჯდომარის, ირაკლი კობახიძის განცხადებით, თვითმმართველობის არჩევნებში კახა კალაძე ნაციონალური მოძრაობის კანდიდატ ნიკა მელიასთან შედარებით ორჯერ მეტ ხმას აიღებს, ხოლო, ექსპრემიერი, გიორგი გახარია მელიაზე — ორჯერ ნაკლებს. ამის შესახებ კობახიძემ ევროკავშირის ელჩთან, კარლ ჰარცელთან შეხვედრის შემდეგ განაცხადა.

"ერთი რამ მარტივად შეიძლება ითქვას, მერის არჩევნებთან დაკავშირებით, კიდევ ერთხელ შეგიძლიათ იგივე კითხვა დამისვათ შემდეგ უკვე 3 ოქტომბერს, კახი კალაძე აიღებს ორჯერ მეტ ხმას მინიმუმ, ვიდრე ნიკარონ მელია, რაც შეეხება გახარიას, ის აიღებს მინიმუმ 2–ჯერ ნაკლებ ხმას, ვიდრე მელია, ეს არის მარტივი პროგნოზი, 3 ოქტომბერს შეგვიძლია ამაში დავრწმუნდეთ", — თქვა კობახიძემ.

ევროკავშირის ელჩსა და ირაკლი კობახიძეს შორის შეხვედრა რამდენიმე წუთის წინ დამთავრდა. შეხვედრის დასრულების შემდეგ ირაკლი კობახიძე და ნიკა მელია ერთმანეთს ჯერ სიტყვიერად, შემდეგ კი ფიზიკურად დაუპირისპირდნენ. ინციდენტი მას შემდეგ დაიწყო, რაც კობახიძეს ჟურნალისტებთან კომენტარის გაკეთების დროს მელიამ დმანისში მომხდარ შემთხვევაზე ჰკითხა.