ძლიერი წვიმის შემდეგ ბათუმში, თოდოგაურის #90-ში განვითარებული მეწყრული პროცესის შედეგად ფერდსამაგრი კედელი ჩამოიშალა.

ბათუმის მერიის ინფორმაციით, უკვე დაწყებულია სალიკვიდაციო სამუშაოები, ადგილზე მუშაობენ მერიის წარმომადგენლები. პარალელურად, მიმდინარეობს მდგომარეობის შესწავლა გეოლოგების მიერ. საჭიროების შემთხვევაში, მიღებული იქნება გადაწყვეტილება ოჯახის ალტერნატიულ ფართში გადაყვანის თაობაზე.

ამასთანავე, დატბორილია ბათუმის ქუჩები, სარდაფები, საცხოვრებელი სახლები და კომერციული ფართები. საგანგებო სიტუაციების სამსახურის ინფორმაციით, ადგილზე მუშაობენ მაშველები.

ბათუმის მერიამ განაცხდა, რომ ამ ეტაპზე მიმდინარეობს ზარალის დათვლა და ყველა დაზარალებულ ოჯახს ერთჯერადი მატერიალური დახმარება გაეწევა.