რუსეთის ფედრაციის ცესკოს თანახმად, ვლადიმერ პუტინის პარტიამ ერთიანი რუსეთი ქვეყნის საპარლამენტო არჩევნები მოიგო. ოპოზიციის წარმომადგენლები აცხადებენ, რომ არჩევნები გაყალბდა.

ყველა ხმის დათვლის შემდეგ, საარჩევნო კომისიამ 21 სექტემბერს განაცხადა, რომ ერთიანმა რუსეთმა ხმების 49,83% მოიპოვა. კრემლის მომხრე პარტიამ 2016 წლის არჩევნებში ხმების 54% მიიღო.

ტვიტერზე პარტიამ დაწერა, რომ მათ კონსტიტუციური უმრავლესობა მოიპოვეს. პუტინმა ამომრჩევლებს "ნდობისთვის" მადლობა გადაუხადა.

ერთიან რუსეთს 450 ადგილიანი პარლამენტის ქვედა პალატაში, რომელიც ცნობილია როგორც სახელმწიფო სათათბირო, დეპუტატების ორ მესამედზე მეტი ეყოლება.

კომუნისტურმა პარტიამ, რომელიც კრემლს უჭერს მხარს, ხმების თითქმის 19% მიიღო. კრემლის მომხრე ნაციონალისტურმა პარტიამ LDPR და სამართლიანმა რუსეთმა, ასევე, ხმების, დაახლოებით, 7,5% მოიპოვეს.

პირველად პუტინის ახალმა პრო პარტიამ სახელწოდებით ახალი ხალხი, პარლამენტში ადგილების მოპოვება, ასევე, მოახერხე, რომელმაც ხმების 5% -ზე ოდნავ მეტი მოიპოვა.

შედეგი შეფასდა როგორც მოულოდნელი, იმის გათვალისწინებით, რომ მთავრობამ ოპოზიციურ პოლიტიკოსებზე უპრეცედენტო ზეწოლა მოახდინა, რომლებიც ან დააპატიმრეს, კენჭისყრაში მონაწილეობა აუკრძალეს ან იძულებულნი გახდნენ ქვეყანა დაეტოვებინათ.

პოლიტიკურმა ოპონენტებმა ხელისუფლება არჩევნების გაყალბებაში დაადანაშაულეს. ციხეში მყოფი ოპოზიციონერის, ალექსეი ნავალნის სპიკერმა კირა იარმიშმა თქვა: "ეს მართლაც დაუჯერებელია, მახსოვს შეგრძნება 2011 წელს, როდესაც მათ არჩევნები მოიპარეს. იგივე ხდება ახლაც".

დამოუკიდებელმა სადამკვირვებლო ორგანიზაციამ Golos ქვეყნის მასშტაბით 3 600-მდე დარღვევა დააფიქსირა, რომელთა უმეტესობა ფოტოებითა და ვიდეო კადრებით არის დოკუმენტირებული.

"რამდენიმე რეგიონში, ასევე, დამკვირვებლებისა და კანდიდატების უფლებების "მასიური დარღვევები მოხდა. სამი დღის განმავლობაში არჩევნების ჩატარებამ დარღვევების არეალი მნიშვნელოვნად გააფართოვა", — თქვა Golos-მა.

აშშ, დიდი ბრიტანეთი და ევროკავშირი შექმნილ საარჩევნო პირობებს აკრიტიკებს. აშშ-ს სახელმწიფო დეპარტამენტის სპიკერმა ნედ პრაისმა თქვა, რომ არჩევნები ისეთ პირობები ჩატარდა, რომლებიც თავისუფალ და სამართლიან პროცესებს ხელს არ უწყობს".

"ჩვენ უკრაინის სუვერენულ ტერიტორიაზე რუსეთის სათათბიროს არჩევნების ჩატარებას არ ვაღიარებთ და უკრაინის ტერიტორიული მთლიანობისა და სუვერენიტეტისადმი ჩვენს ურყევ მხარდაჭერას ვადასტურებთ", — დასძინა პრაისმა.

რუსეთის სოციალურ ქსელებში, ასევე, არაერთი ვიდეო გავრცელდა, სადაც ჩანს, როგორ ყრიან ბიულეტენებს ყუთებში.