გარემოს ეროვნული სააგენტოს ინფორმაციით, 22-24 სექტემბერს ამინდი გაუარესდება. კერძოდ, მოსალოდნელია დროგამოშვებით წვიმა ელჭექით, ზოგან ძლიერი. ასევე, შესაძლებელია სეტყვა, ქარის გაძლიერება და ზღვაზე 2-3 ბალიანი ღელვა.

ამასთან, მათივე განცხადებით, 24 სექტემბერს ჰაერის ტემპერატურა მნიშვნელოვნად დაიკლებს, მაღალმთიან ზონაში ზოგან, შესაძლოა, გათოვდეს.

სინოპტიკოსების ცნობით, მოსალოდნელმა ძლიერმა ნალექმა შესაძლებელია, რომ საქართველოს მდინარეებზე წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს.