ექსპრემიერ გიორგი გახარიას თქმით, ქართული ოცნება "განაცდა". ამ სიტყვებით გახარია ირაკლი ღარიბაშვილის განცხადებას ეხმაურება, სადაც ის ამბობს, რომ უდანაშაულო ხალხისთვის თვალების დათხრა გახარიას ხელწერაა.

"ღარიბაშვილს მაგას არავინ არ ეკითხება, ჯერ ერთი ეს. მეორე, ღარიბაშვილს თუ რამის თავი ჰქონდა, ორი წელი გავიდა და მაშინ შეეძლო ამ კითხვის დასმა და იმის მაგივრად, რომ ეთერში დაჯდეს და იქ რაღაცები იჭორაოს. წაიკითხოს გამოძიებები, რომლებიც მიმდინარეობდა, როგორც პარლამენტის, ასევე პროკურატურის ფარგლებში, ასევე საერთაშორისო შეფასებები ამის ყველაფრის. მე კიდევ ერთხელ გავიმეორებ, სამარცხვინოა, როცა ქვეყნის პირველი პირის სახით "ოცნება" განაცდა, ჩვეულებრივად "ოცნება" განაცდა", — განაცხადა გახარიამ.

17 სექტემბერს, საქართველოს პრემიერმინისტრმა, ირაკლი ღარიბაშვილმა გიორგი გახარიაზე საუბრისას თქვა, რომ 20 ივნისს უდანაშაულო ადამიანებს თვალები დათხარეს, ეს კი მისი "ხელწერა და მართვაა".