თუ ბავშვობაში დღეებს ჟიულ ვერნის წიგნების კითხვაში ატარებდით, თქვენთვის მშვენიერი სიახლე გვაქვს. BBC ჟიულ ვერნის ნაწარმოების, 80 დღე დედამიწის გარშემოს მიხედვით მალე ახალ სერიალს, სახელად Around the World in 80 Days შემოგვთავაზებს. რაც მთავარია, მთავარ როლს Doctor Who-სა და Good Omens-ის ვარსკვლავი დევიდ ტენენტი შეასრულებს.

დევიდ ტენანტი სერიალში ფილეას ფოგის როლს მოირგებს — ინგლისელი დიდგვაროვნის, რომელმაც სანაძლეო დადო, რომ დედამიწის შემოვლას 80 დღეში მოახერხებს. სერიალში ფოგის მსახურის, ჟან პასპარტუს როლს იბრაჰიმ კომა შეასრულებს, Crown-ის მსახიობი ლეონ ბენეში კი მამაცი ჟურნალისტის, ფიქსის როლს მოირგებს.

სერიალი 8 ეპიზოდისგან შედგება და შესანიშნავი სამეულის საოცარ მოგზაურობაზე მოგვითხრობს. სერიალის გამოსვლის ზუსტი თარიღი ჯერ ცნობილი არაა, თუმცა, გავრცელებული ინფორმაციით, მის ნახვას წელსვე შევძლებთ.