რუსეთში, პერმის სახელმწიფო უნივერსიტეტში უცნობმა პირმა ცეცხლი გახსნა. ინფორმაციას ამის შესახებ საერთაშორისო მედია ავრცელებს. მათი განცხადებით, არის მსხვერპლი, თუმცა დაზუსტებული ცნობები აღნიშნულთან დაკავშირებით არ ვრცელდება.

DW-ს 59.ru-ზე დაყრდნობით წერს, რომ თავდასხმის შედეგად, სულ მცირე, სამი ადამიანი დაიღუპა და ორი დაშავდა. როგორც მედია წერს, ტელეგრამის არხზე სტუდენტებსა და უნივერსიტეტის პერსონალს მოუწოდებენ, რომ საკლასო ოთახები ჩაკეტონ და იქ დარჩნენ, ან თუ შესაძლებელობა აქვთ კამპუსები დატოვონ.