ფოთის მერობის კანდიდატის, გიგი უგულავას განცხადებით, თავის შეცდომად მიიჩნევს, რომ თავის დროზე მეგის ქარდავას მსგავს ადამიანებს "ადგილი არ მიუჩინა".

"მეგის ქარდავას მე არ ვიცნობდი. როგორ ვაფასებ მის საქმიანობას? ძალიან ნეგატიურად. ჩემს შეცდომად ვთვლი, რომ მეგის ქარდავასნაირებს თავის დროზე, როცა ძალაუფლებაში ვიყავი ადგილი არ მივუჩინე. მეორე — დაბრუნდება თუ არა ხელისუფლებაში მსგავსი ბიოგრაფიის მქონე ადამიანები? ვერასდროს ვერ დაბრუნდებიან, თუ მე საშუალება მექნება, რა თქმა უნდა, თუ ეს ჩემზე იქნება დამოკიდებული. მესამე — აქვს თუ არა მას საქართველოში საშუალება, დღეს ჰქონდეს სამართლიანი სასამართლო? არა, იმიტომ, რომ ივანიშვილის სასამართლო არის პროპაგანდისტული სასამართლო, პროკურატურა არის პროპაგანდონებით დაკომპლექტებული და შესაბამისად, ყველაფერს იყენებენ არა გამოძიებისთვის, სიმართლის დასადგენად, არამედ პროპაგანდისთვის", — განაცხადა უგულავამ პალიტრანიუსის ეთერში.

საქართველოს თავდაცვის სამინისტროს სამხედრო პოლიციის ყოფილი ხელმძღვანელის, მეგის ქარდავას ექსტრადაცია განხორციელდა. ქარდავა აეროპორტიდან რუსთავის პენიტენციურ დაწესებულებაში გადაიყვანეს.

საქართველოს ხელისუფლება მეგის ქარდავას ექსტრადირებნას რამდენიმე წელია ითხოვდა. მან საქართველო 2012 წელს, ხელისუფლების ცვლილების შემდეგ დატოვა.