საბურთალოს ოლქში ოპოზიციის საერთო მაჟორიტარობის კანდიდატის, ბორის ჩელე ყურუას ექსპრემიერ გიორგი გახარიასთან და ქართულ ოცნებასთან თანამშრომლობას გამორიცხავს. მისი თქმით, პარტნიორობისთვის აუცილებელია, დარწმუნებული იყო, რომ ეს ადამიანი თავისი სიტყვის ერთგული იქნება, რაშიც ამ შემთხვევაში ეჭვი ეპარება.

"გიორგი გახარიასთან თანამშრომლობა პირადად ჩემთვის არის წითელი ხაზი, იმიტომ, რომ ეს არის ადამიანი, რომელიც ჩემთვის არის ამ მახინჯი სისტემის სახე. ადამიანი, რომელიც ედგა სისტემას სათავეში, როცა ეს სისტემა ჩვენ ტყვიებს გვესროდა. [...] მგონია, რომ თანამშრომლობა შეიძლება ყველა ადამიანთან, გარდა იმისა, ვისზეც ზუსტად იცი, რომ გადამგდებია, რომ სიტყვის გამტეხია, ის თავის სიტყვას არ შეასრულებს და ეს ფაქტებმა უკვე გვაჩვენა. შესაბამისად, ჩვენი თანამშრომლობა ქართულ ოცნებასთნ და გახარიასთან გამორიცხულია", — აცხადებს ყურუა.

პარტია გირჩის — მეტი თავისუფლების წევრმა ისაუბრა პარტია გირჩთან შესაძლო თანამშრომლობაზეც და აღნიშნა, რომ მათთან თანამშრომლობას არ გამორიცხავენ, რადგან იდეოლოგიური განსხვავებები თითქმის არ აქვთ.