პარტია საქართველოსთვის თავმჯდომარის მოადგილე, გიორგი ხოჯევანიშვილი ამბობს, რომ უღირს ადამიანებს სიცრუისა და ბოროტების ტირაჟირება ადვილად გამოსდით. ასე გამოეხმაურა დეპუტატი პარტიის მიმართ გაჩენილ კითხვებს გავრცელებული ფაილებთან დაკავშირებით.

"ჩვენ ასეთ ტიპის ბრალდებები აქამდე მოვისმინეთ, სამწუხაროდ, ამის მერეც მოვისმენთ. აქ ერთი რამის თქმა შეიძლება, რომ უღირს ადამიანებს საკმაოდ ადვილად გამოსდით ბოროტების და სიცრუის ტირაჟირება", — განაცხადა ხოჯევანიშვილმა.

კულტურის მინისტრი თეა წულუკიანი გავრცელებულ ფარულ ჩანაწერებთან დაკავშირებით კითხვებს სვამს ყოფილი პრემიერმინისტრის, გიორგი გახარიასა და მისი გუნდის მისამართითაც.

გაიგე მეტი:


13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა, მათ შორის On.ge-ს ყოფილმა რედაქტორმა განაცხადეს, რომ ჩანაწერებში საკუთარი საუბრები ამოიცნეს.

ატვირთულია Word-ის ასობით ფაილი და იმ შემთხვევაში, თუ ისინი ავთენტურია, ჩანს, რომ შესაბამისი სამსახურები სწავლობენ სასულიერო პირების საჯარო და პირად კავშირებს, უსმენენ სატელეფონო საუბრებს და აგროვებენ კომპრომატებს პირადი ცხოვრების შესახებაც, მათ შორის, საუბარია ჰომოსექსუალურ კავშირებზე. ფაილებს შორის არის ინფორმაცია რუსული კონტაქტების, ასევე, კონკრეტული პოლიტიკური პარტიების მიმართ დამოკიდებულების შესახებ.

ჩანაწერების გამოქვეყნებიდან მეორე დღეს, სახელმწიფო უსაფრთხოების სამსახურმა განცხადება გაავრცელა, სადაც აღნიშნავს, რომ მსგავსი ინფორმაციის ტირაჟირება შეურაცხყოფს ცალკეული ადამიანების, უსაფრთხოების ოფიცრებისა და მთლიანად სამსახურის პატივსა და ღირსებას. უწყებამ მოუწოდა მედიასა და პოლიტიკურად დაინტერესებულ პირებს, გამოძიების დასრულებამდე თავი შეიკავონ არაზუსტი და გადაუმოწმებელი ინფორმაციის გავრცელებისგან.

გაიგეთ მეტი: