საავტომობილო გზების დეპარტამენტის ინფორმაციით, სტეფანწმინდა-სამების ეკლესიასთან მისასვლელი გზა აშენდება და მისი სიგრძე 5,66 კმ იქნება.

უწყების ცნობით, გზის დეტალური პროექტი უკვე მზადაა და სამშენებლო სამუშაოები უახლოეს მომავალში დაიწყება. მათივე ინფორმაციით, საპროექტო სამუშაოების ღირებულებამ 175 ათასი ლარი შეადგინა და იგი სახელმწიფო ბიუჯეტიდან დაფინანსდება:

"პროექტის დასრულების შემდეგ, ტურისტები, ადგილობრივი მოსახლეობა და მომლოცველები შეძლებენ იმოძრაონ განახლებული გზით, ნაცვლად გრუნტოვანი, დაზიანებული გზისა".

გერგეტის ყოვლადწმინდა სამების ტაძარი XIV საუკუნის ძეგლია.