დაავადებათა კონტროლის ეროვნული ცენტრის (NCDC) ხელმძღვანელის განცხადებით, ამირან გამყრელიძის განცხადებით, მინიმუმ ერთი დოზით აცრილია საჯარო სკოლების მთლიანი პერსონალის 55%, სრულად — 33%. გამყრელიძის თქმით, პედაგოგების მინიმუმ ერთი აცრის საშუალო მაჩვენებელი 58%-ია, საიდანაც სრულად ვაქცინირებულია 36%.

რაც შეეხება კერძო სკოლების პედაგოგებს, მინიმუმ ერთი დოზით აცრილია 64%, სრულად — 44%. NCDC-ის დირექტორი აღნიშნავს, რომ ყველაზე მაღალი მაჩვენებელი — 70% თბილისშია.

"ყველაზე დაბალი მაჩვენებელი გვაქვს სტუდენტებში. სტუდენტებში ვაქცინაციის მაჩვენებელი 138 000-მდე სტუდენტია და აცრის საშუალო მაჩვენებელი სრულად აცრილების 17% გვაქვს, რაც დაბალია", — განაცხადა გამყრელიძემ.

მისივე თქმით, სტუდენტების 9,5%-ს კოვიდ ინფექცია გადატანილი აქვს.

Stopcov.ge-ზე გამოქვეყნებული ინფორმაციის თანახმად, სულ ჩატარდა 1 507 986 აცრა, დღიურად აცრილია 14 703 ადამიანი.