Better Call Saul-ისა და Breaking Bad-ის გულშემატკივრები განსაკუთრებულად განიცდიდნენ სერიალების ვარსკვლავის — ბობ ოდენკირკის ჯანმრთელობის პრობლემებს. ივლისში ბობმა გულის შეტევა გადაიტანა. მსახიობი გადასაღებ მოედანზე შეუძლოდ გახდა და საავადმყოფოში მოხვდა.

საბედნიეროდ, ბობი თავს უკეთ გრძნობს. მან გულშემატკივრებს Better Call Saul-ის გადასაღებ მოედანზე დაბრუნება ტვიტერზე ახარა:

"Better Call Saul-ზე მუშაობას ვუბრუნდები! ძალიან მიხარია, რომ აქ ვარ და ასეთი კარგი ადამიანების გარემოცვაში ვცხოვრობ", — წერს მსახიობი ტვიტერზე.

AMC ცნობილი სერიალის მეექვსე, ფინალურ სეზონს იღებს, რომელიც 2022 წელს გამოვა. ისევე როგორც Breaking Bad, ცნობილ ადვოკატზე გადაღებული პრიქველი, სჯობს დაურეკოთ სოლს, ალბუკერკეშია გადაღებული.

ჯიმი მაკგილის, იგივე სოლ გუდმანის როლისთვის, ბობ ოდენკირკს ემის 4 ნომინაცია აქვს მიღებული.